- 736 -

1448. Juni 10.

Vnsere willige dinst czuuor. Ersamen, weisen hern, gonner, forderer vnd besundern lieben frunde, wir bitten ewre ersame weisheit czu wissen, das der edele herre Vlrich von Bebirsteyn den tag, den wir mit dem edeln hern Jonen von Wartenberg dem jungern czu Tetschen gesessen vf den nesten czukomenden dornstag czu der Zyttaw gehabit haben sulden, hot abegeschrebin, wenne her Jone dorczu vor andern notlichen gescheften, dy uf en komen seyn, nicht czu dem tage hot mogen komen. Dorvmbe bitten wir ewre ersame weisheit dinslichen mit besunderm fleisse, ir wellit den hern von Bresslaw vnd welche von des bundes wegen geschicket weren mit vns czu dem tage czureiten vnd dy in ewre stat komen worden das sagen vnd wissen lossen, das der tag mit hern Jone zu teidungen czu der Zyttaw abegegangen were, das sy sich nicht ferrer dorften muhen noch reiten, das wellen wir vmbe ewer ersamkeit alleczeit vordienen. Gebin gar eilende vnder vnser stat secret am montage czu nacht vor Barnabe anno domini etc. XLVIII°.
Burgermeister, rathmanne der stat Lewenberg.

Mit Rückaufschrift an den liegnitzer Rath.

Orig. Kgl Bibl z. Berl Ms. Boruss. f. 568.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866